(ខេត្តស្វាយរៀង)៖ ប្រភពពីក្រុមឈ្នួញតូចធំ និងប្រជាពលរដ្ឋ រស់នៅភូមិស្រែវាល ឃុំបុសមន ស្រុករំដួល ឲ្យដឹងថា មេគយចល័តច្រកទ្វារព្រំដែនបុសមននេះ កំពុងតែធ្វើសកម្មភាពពង្រាយនិងដាក់កូនចៅប្រមូលលុយយ៉ាងត្រជាក់ចិត្ត ពីក្រុមឈ្មួញតូចធំ និងប្រជាពលរដ្ឋរកស៊ីដឹកជញ្ជូនទំនិញគ្រប់ប្រភេទចេញចូលពីវៀតណាម មកកម្ពុជា ក៏ដូចជាឈ្មួញ មកពីបណ្តាលខេត្តនានា ដែលបាននិងកំពុងសម្រុកដឹកទំនិញចេញពីវៀតណាម រាល់ថ្ងៃតាមរថយន្តតូចធំដោយគឃ្លើនសម្រាបប្រយោជន៍ និងធ្វើមានធ្វើបានផ្ទាល់ ដែលជាប្រភពចំណូល របស់មេគយចល័តច្រកនេះ។
ហេតុនេះ សូមឯកឧត្តម អូន ព័ន្ធមុនីរ័ត្ន រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងលោក គុណ ញឹម អគ្គនាយករដ្ឋករ គយកម្ពុជា ពិនិត្យឡើងវិញផងទាន មិនត្រូវបណ្តែតបណ្តោយឲ្យបុគ្គល មេគយចល័តច្រកបុសមននេះ ពង្រាយប្រេីកូនចៅចាំអង្គុយយកលុយ ពីក្រុមឈ្មួញនិងប្រជាពលរដ្ឋដឹកទំនិញទាំងយប់ទាំងថ្ងៃ ដោយគ្មានចេញវិក័យប័ត្រឲ្យនោះឡេីយ។
ប្រភពពី សមត្ថកិច្ចពាក់ព័ន្ធនៅច្រកព្រំដែនបុសមន បានឲ្យដឹងទៀតថា ឈ្មួញធំៗ ដឹកទំនិញគ្រប់ប្រភេទ ចេញពីវៀតណាម ចូលមកកម្ពុជា ក៏ដូចជាឈ្មួញដ៏ទៃទៀតមកពីបណ្តាលខេត្តនានាសម្រុកដឹកទំនិញតាមច្រកនេះ បានក្លាយទៅជាប្រភពចំណូលដ៏សំខាន់របស់ មេមេគយចល័តនិងបក្ខពួកបែងចែកផលប្រយោជន៍គ្នាធ្វើមានធ្វើបាន ដោយមិនខ្វល់ពីការរិះគន់អ្វីទាំងអស់។ ទន្ទឹមនឹងនេះក្រុមឈ្មួញតូចធំ ក្នុងខេត្តស្វាយរៀងនិងឈ្មួញដ៏ទៃទៀតមកពីខេត្តផ្សេងៗដឹកទំនិញគេចពន្ធឬបង់ពន្ធមិនគ្រប់ ចេញចូលពីវៀតណាម មកកម្ពុជា ដូចជាផ្លែដូង ផ្លែឈើ ពូក តុជ័រ ធុងជ័រកៅអីជ័រ ដែកលួស កូនរទេះ មី ទឹកស្ទីង នឹងគ្រឿងកុំប៉ុងគ្រប់មុខជាច្រើនទៀត បានត្អូញត្អែរ ប្រាប់ឲ្យអ្នកយកព័ត៌មានយើងដឹងថា ពួកគាត់រកស៊ីដឹកទំនិញបន្តិចបន្តួចសព្វថ្ងៃនេះបានត្រឹមតែចិញ្ចិម លោកមេគយចល័តប្រចាំច្រកទ្វារព្រំដែនបុសមន ពីព្រោះលោកមេគយរូបនេះបានកំណត់យកលុយ ថ្លៃបាយទឹក ក្នុងមួយរថយន្តធំៗចាប់ពី៦០ម៉ឺនរៀល ទៅ៧០ម៉ឺនរៀលជាកំហិត រីឯរថយន្តតូចនឹងរម៉កសន្តោងវែងៗ បង់ចាប់២០ម៉ឺនរៀលទៅ៣០ម៉ឺនរៀលជាថ្នូរ មិនបង្ក្រាប។
ដូច្នេះសូមឯកឧត្តម គុណ ញឹម អគ្គរដ្ឋករ គយកម្ពុជា និងឯកឧត្តម អូន ព័ន្ធ មុន្នីរ័ត្ន រដ្ឋមន្ត្រីក្រសួងសេដ្ឋកិច្ចហិរញ្ញវត្ថុ ពិនិត្យឡើងវិញជាបន្ទាន់ផងទាន ចំពោះមេគយធំៗ ច្រកទ្វារភាគីព្រំដែនបុសមន និងសមត្ថកិច្ចពាក់ព័ន្ធច្រើនស្ថាប័នអង្គុយចាំយកលុយ មិនចេញវិក័យបត្រ ឲ្យត្រូវបានលាតត្រដាង រិះគន់ពីសំណាក់ក្រុមឈ្មួញដឹកទំនិញ បញ្ជាក់ឲ្យដឹងថា ធ្វើឲ្យរដ្ឋត្រូវខាតបង់ចំណូលពន្ធយ៉ាងច្រើនសន្ធឹកសន្ធាប់ក្នុងមួយខែៗ។ពាក់ពន្ធការរិះគនខាងលើនេះ អ្នកសារព័ត៌មានយើងមិនមានប្រភពទាក់ទងសុំការបកស្រាយបំភ្លឺ ពីលោកមេគយ នៅឡើយនោះទេ។
