(ខេត្តស្វាយរៀង)៖ លោក សំ សុវណ្ណារិទ្ធ មិនចាត់វិធានការបង្ក្រាបក្រុមឈ្មួញដឹកជញ្ជូនទំនិញគេចពន្ធ និងទំនិញបង់ពន្ធមិនគ្រប់ ដែលកំពង់ធ្វើសកម្មភាពឆ្លងកាត់ក្នុងខេត្តស្វាយរៀងនោះទេ។ ប៉ុន្ត លោក សំ សុវណ្ណារិទ្ធ ទំនងជាចំណាយដើមទុនជាច្រើនក្នុងការទទួលបានតំណែងជាប្រធានសាខាគយខេត្តស្វាយរៀង នេះក៏ថាបានដែរ ទើបខំប្រឹងប្រមូលលុយស្រង់ដើមវិញ តាមរបៀបឃុបឃិតដោយគ្មានញញើតអ្វីទាំងអស់។
បើតាមប្រភពពីមនុស្សដែលស្និទ្ធនឹងលោក សំ សុវណ្ណារិទ្ធ បានឲ្យដឹងថា ប្រធានសាខាគយខេត្តស្វាយរៀងនេះ កំពុងអនុវត្តន៍យុទ្ធសាស្តផ្ទុយ ដើម្បីប្រមូលលុយយ៉ាងសុខស្រួល។ ប្រភពពីក្រុមឈ្មួញឲ្យដឹង ការដឹកជញ្ជូនទំនិញគ្រប់ប្រភេទឆ្លងកាត់ផ្លូវជាតិលេខ១ និងផ្លូវជាតិផ្សេងៗទៀតនៃខ្សែរក្រវ៉ាត់ខេត្តស្វាយរៀងចូលមករាជធានីភ្នំពេញ គឺជាប្រភពចំណូលរបស់លោក សំ សុវណ្ណារិទ្ធ ច្រើនណាស់តែម្តង។ ជាក់ស្ដែងលោក សំ សុវណ្ណារិទ្ធ មិនដែលចាត់វិធានការបង្ក្រាបក្រុមឈ្មួញដឹកជញ្ជូនទំនិញគេចពន្ធ និងទំនិញបង់ពន្ធមិនគ្រប់ ឬទំនិញខុសច្បាប់នោះទេ មានតែសម្របសម្រួលឲ្យក្រុមឈ្មួញទាំងនោះដឹកទំនិញទៅដល់គោលដៅប្រកប ដោយសុវត្ថិភាព។ក្នុងនោះ ដូចជានៅច្រករបៀងព្រំដែនចំការម្ទេស និងច្រកផ្សេងៗទៀត ក្រុមឈ្មួញអាចនាំចូលទំនិញគេចពន្ធនិងទំនិញបង់ពន្ធមិនគ្រប់យ៉ាងរលូនដូចកាលពីជំនាន់លោក ហេង សំបូរ នៅធ្វើជាប្រធានសាខាគយខេត្តស្វាយរៀង ផងដែរ។ ហើយក្រុមឈ្មួញធំៗដែលដឹកជញ្ជូនទំនិញគេចពន្ធទំនិញបង់ពន្ធមិនគ្រប់ និងទំនិញខុសច្បាប់ឆ្លងកាត់ផ្លូវជាតិនានាចូលទៅរាជធានីភ្នំពេញ សុទ្ធតែមានការទំនាក់ទំនងជិតស្និទ្ធជាមួយលោក សំ សុវណ្ណារិទ្ធ ដើម្បីសម្រួលដល់អាជីវកម្មរបស់ពួកគេ លើសនេះទៅទៀត លោក សំ សុវណ្ណារិទ្ធ បានបើកដៃឲ្យក្រុមមន្ត្រីគយក្នុងខេត្តស្វាយរៀង គាបយកលុយពីក្រុមឈ្មួញនិងក្រុមអាជីករដឹកជញ្ជូនទំនិញឆ្លងកាត់ផ្លូវជាតិជាច្រើនខ្សែក្នុងខេត្តស្វាយរៀងស្រេចតែអំពើចិត្តបើទោះប្បីឈ្មួញខ្លះដឹកជញ្ជូនទំនិញបង់ពន្ធត្រឹមត្រូវនៅច្រកព្រំដែនរួចហើយក៏ដោយ។
ប្រភពពីសមត្ថកិច្ចពាក់ព័ន្ធក្នុងខេត្តស្វាយរៀង បានឲ្យដឹងថា លោក សំ សុវណ្ណារិទ្ធ ឡើងកាន់តំណែងជាប្រធានសាខាគយខេត្តស្វាយរៀងពេលថ្មីៗរយៈពេលជាងមួយឆ្នាំកន្លងមកនេះ លោក សំ សុវណ្ណារិទ្ធ មិនទាន់ចាត់វិធានការបង្ក្រាបក្រុមឈ្មួញដឹកជញ្ជូនទំនិញគេចពន្ធ និងទំនិញបង់ពន្ធមិនគ្រប់ ហៅថាទំនិញខុសច្បាប់នោះបានមួយករណីនៅឡើយទេ។ ហេតុនេះហើយសូមឯកឧត្តម អូន ព័ន្ធមុនីរ័ត្ន ឧបនាយករដ្ឋមន្រ្តី រដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ និងឯកឧត្តម គុណ ញឹម អគ្គនាយកនៃអគ្គនាយកដ្ឋានគយនិងរដ្ឋាករកម្ពុជា មិនគួរបណ្ដែតបណ្ដោយឲ្យលោក សំ សុវណ្ណារិទ្ធ ប្រធានសាខាគយខេត្តស្វាយរៀង ធ្វើអ្វីៗតាមតែអំពើចិត្តនោះឡើយ ។ជាពិសេសឯកឧត្តម ឱម យុិនទៀង ប្រធានអង្គភាពប្រឆាំងអំពើពុករលួយធ្លាប់ប្តេជ្ញាលុបបំបាត់អំពើពុករលួយនូវតាមដងផ្លូវ គួរដាក់មន្រ្តីជំនាញចុះសិក្សាស្រាវជ្រាវនូវភាពមិនប្រក្រតីរ នៃទង្វើខុសច្បាប់ដែលធ្វើឲ្យបាត់ចំណូលរបសរដ្ឋនោះឡើយ ដោយសារលោក សំ សុវណ្ណារិទ្ធ ប្រធានសាខាគយខេត្តស្វាយរៀងនិងក្តុមបក្សពួកនេះផងទាន។(សភារាជ ព័ត៌មាន GM News)
