មនុស្ស០៨នាក់ត្រូវបានសមត្ថកិច្ចឃាត់ខ្លួនជាបន្តបន្ទាប់ សង្សយ័ពាក់ព័ន្ធករណីប្រើអំពើហិង្សាវាយកាប់ បណ្តាលឱ្យជនរងគ្រោះរងរបួស និងខូចខាតទ្រព្យសម្បត្តិអ្នកដទៃ នៅការ៉ាសសាំង​ TOTAL ខណ្ឌច្បារអំពៅ

(រាជធានីភ្នំពេញ)៖ ដោយអនុវត្តតាមបទបញ្ជារបស់ ឧត្តមសេនីយ៍ឯក ជួន ណារិន្ទ អគ្គស្នងការរង និងជាស្នងការនគរបាលរាជធានីភ្នំពេញ នៅថ្ងៃទី២៧ ខែតុលា ឆ្នាំ២០២៥ កម្លាំងជំនាញផែនការងារនគរបាលព្រហ្មទណ្ឌ នៃស្នងការដ្ឋាននគរបាលរាជធានីភ្នំពេញ សហការជាមួយអធិការដ្ឋាននគរបាលខណ្ឌពោធិ៍សែនជ័យ និងខណ្ឌមានជ័យ បានធ្វើការស្រាវជ្រាវនិងឃាត់ខ្លួនជនសង្ស័យជាបន្តបន្ទាប់ចំនួន០៨នាក់ សង្សយ័ពាក់ព័ន្ធក្នុងករណីប្រើអំពើហិង្សាដោយចេតនា មានស្ថានទម្ងន់ទោស(វាយកាប់ បណ្តាលឱ្យជនរងគ្រោះរងរបួស និងខូចខាតទ្រព្យសម្បត្តិអ្នកដទៃ) នៅចំណុចការ៉ាសសាំង​ TOTAL ផ្លូវជាតិលេខ១​ សង្កាត់ច្បារអំពៅទី១ ខណ្ឌច្បារអំពៅ រាជធានីភ្នំពេញ កាលពីថ្ងៃទី១៩ ខែតុលា ឆ្នាំ២០២៥ វេលាម៉ោង២៣និង៥៨នាទីយប់។

សូមបញ្ចាក់ថាៈ ជនសង្សយ័ដែលត្រូវសមត្ថកិច្ចឃាត់ខ្លួននោះមានចំនួន០៨នាក់

១/ឈ្មោះ នូ​ សុវណ្ណដេវិស ភេទប្រុស អាយុ១៧ឆ្នាំ។(ឃាត់ខ្លួន)

២/ឈ្មោះ រស្មី​ ឧត្តម​ ភេទប្រុស អាយុ១៧ឆ្នាំ។(ឃាត់ខ្លួន)

៣/ឈ្មោះ នី​ អាប់ឌុលអាហ្សីស​ ភេទប្រុស អាយុ១៧ឆ្នាំ។(ឃាត់ខ្លួន)

៤/ឈ្មោះ ប៉ុប​ ហួន​ ភេទប្រុស អាយុ១៧ឆ្នាំ។(ឃាត់ខ្លួន)

៥.ឈ្មោះ ឆាយ​ លីឈ័រ​ ភេទប្រុស អាយុ១៧ឆ្នាំ

៦/ឈ្មោះ នៅ​ កាញ់​ណា​រត្ន័​ ភេទប្រុស អាយុ១៧ឆ្នាំ។(ឃាត់ខ្លួន)

៧/ឈ្មោះ ជា​ សុខលៀប​ ភេទប្រុស អាយុ១៧ឆ្នាំ។(ឃាត់ខ្លួន)

៨/ឈ្មោះ សេង វីរៈ ហៅ ឡូហ្គេន ភេទប្រុស អាយុ១៨ឆ្នាំ។(ឃាត់ខ្លួន)

បច្ចុប្បន្នជនសង្ស័យដែលមានឈ្មោះដូចខាងលើនេះ ត្រូវបានសមត្ថកិច្ចជំនាញ ធ្វើការកសាងសំណុំរឿងចាត់ការតាមនីតិវិធី។ ចំណែកបក្ខពួកដែលនៅសេសសល់ សមត្ថកិច្ចកំពុងធ្វើការស្រាវជ្រាវឃាត់ខ្លួនបន្តទៀត។