(ខេត្តត្បូងឃ្មុំ)៖ បើយោងតាមប្រភពពី ក្រុមឈ្មួញតូចធំដែលបានរកសុីដឹកជញ្ជូនទំនិញគ្រប់ប្រភេទឆ្លងកាតក្នុងតំបន់ខេត្តត្បូងឃ្មំនេះដូចជាបន្លែផ្លែឈើ ត្រីសាច់។ល។បានឲ្យដឹងថា លោកខណ្ណារ៉ា អេលីត មេគយចល័តតំបន់៦ ដែលទើបមកកាន់តំណែងថ្មីជំនួស លោក ព្រាប គារ៉ាត់ ហៅសិទ្ធ។ លោកខណ្ណារ៉ា អេលីតមេគយចល័ត តំបន់៦ បង្ការនិងបង្ក្រាបបទល្មើសរត់ពន្ធឆ្លងដែនខុសច្បាប់ បានពង្រាយមន្ត្រីគយ និងជនសុីវិលចាំប្រដេញស្ទាក់ចាប់ឃាត់ ឡានអអាជីវកម្ម របស់ឈ្មួញតូចធំ ដូចជាការដឹកជញ្ជូនបន្លែផ្លែឈើ ត្រីសាច់ និងទំនិញចាប់ហួយ ដែលគេចពន្ធ ឬទំនិញបង់ពន្ធមិនគ្រប់ គាបយកលុយតាមអំពើចិត្ត ដើម្បីស្រង់ដើម មិនខ្វល់ពីការរិះគន់អ្វីទាំងអស់។
ក្រុមអាជីវករ ក៍ដូចជាឈ្មួញតូចធំ បានបន្តឲ្យដឹងថា លោកខណ្ណារ៉ា អេលីត មេគយតំបន់៦ ធ្វើសកម្មភាពដាក់ពង្រាយមន្ត្រីគយនិងជនស៊ីវិល ជាច្រើនកន្លែងនៅតាមបណ្ដាផ្លូវក្នុងខេត្តនានា នៅក្នុងតំបន់៦ ដូចជាចំណុចភូមិហួច ឃុំក្រែក ស្រុកពញាក្រែក ខេត្តត្បូងឃ្មុំ មានដាក់ឡានប្រចាំដេញកាក់ស្ទាក់ ឡានដឹកជញ្ជូនទំនិញណា ដែលបើកហួសមិនចូលបង់លុយ និងត្រូវពិន័យជាប្រាក់ិយ៉ាងច្រើនផងដែរ ជាការព្រមានតាមអំពើចិត្ត។ ក្នុងនោះឡានសាំយ៉ុងមួយគ្រឿងត្រូវបង់ឲ្យក្រុមគយចលត័នៅចំណុចភូមិហួច ឃុំក្រែក ស្រុកពញាក្រែក ចំនួនចាប់ពី៨០មុឺនទៅ ១ លានរៀលជាកំហិត។ ទើបអាចដឹកជញ្ជូនបន្លែផ្លែឈើ ត្រីសាច់ និងទំនិញផ្សេងៗទៀតបានឆ្លងកាតផុតទៅដល់គោលដៅបានដោយសុវត្តិភាព។
ក្រុមគយចលត័ និងជនសុីវិលអង្គុយរាប់ក្បាលឡឡាននៅចំណុចឃុំក្រែក ស្រុកពញាក្រែក ខេត្តតត្បូងឃ្មុំ តែងតែតម្រូវអោយពួកឈ្មួញតូចធំបង់លុយតាមការកំណត់ដោយគ្មានក្រដាស់ស្នាមឬវិក្កយប័ត្រពន្ធរដ្ឋនោះទេ ចុះហេតុអ្វីបានជាមានក្រុមមន្ត្រីគយចល័តនៅមិនឆ្ងាយ ពីគយព្រំដែនមួយកន្លែងទៀត ដែលចាំយកលុយ ពីពួកគាត់បន្ថែមទៀតតាមតែអំពើចិត្ត ចែកគ្នាធ្វើមានធ្វើបានជាប្រយោជន៍ផ្ទាល់ខ្លួនយ៉ាងសុខស្រួលបំផុត។
សូមបញ្ចាក់ថា នៅក្នុងការគ្រប់គ្រងលោកខណ្ណារ៉ា អេលីត មេគយតំបន់៦ នេះមានការដឹកទំនិញបន្លែផ្លែឈើ
ឥវ៉ាន់ចាប់ហួយនិងឥវ៉ាន់គ្រប់ប្រភេទចេញពីប្រទេសវៀតណាមជាច្រើនច្រក នៅក្នុងខេត្តត្បូងឃ្មុំ មានច្រកដូនរ័ត្ន ច្រកទ្វេភាគីដូង៧ដើម ច្រកស្អំ ច្រកអន្តរជាតិព្រំដែនត្រពាំងផ្លុង ហៅស្ពានដែកច្រកបឹងជ្រោងនិងច្រកចាន់មូល ច្រករបៀងផ្សេងៗទៀតដែលជាប្រភពចំណូលរបស់ លោកខណ្ណារ៉ា អេលីត និងក្រុមបក្សពួករបស់ខ្លួនប្រមូលលុយដាក់ហោប៉ៅ ទេីបមកកាន់តំណែងថ្មីៗ មិនខ្វល់អ្វីទាំងអស់។
ប្រភពពីអាជីវករដ៏ដែលបានបន្ថែមអោយដឹងថា រាល់ការដឹកជញ្ជូនទំនិញតាមផ្លូវជាតិលេខ៧ ទៅតាមបណ្តាខេត្តផ្សេងៗឆ្ពោះទៅកាន់រាជធានីភ្នំពេញពួកគាត់តែងតែព្រួយបារម្ភខ្លាំងណាស់ពីការដេញគាបជំរិតទា លុយរបស់ក្រុមមន្ត្រីគយនិងជនសុីវិលក្រោមការគ្រប់គ្រងរបស់លោកខណ្ណារ៉ា អេ លីត មេគយចល័តតំបន់៦និងបក្ខពួក ត្រូវបានគេសង្ស័យថា ប្រាក់ផាកពិន័យទាំងនោះប្រហែលចូលរដ្ឋតិចបំផុតជាងចូលហោប៉ៅ ព្រោះថារាល់ការផាកពិន័យទាំងនោះគេមិនដែលឃើញលោកគយចេញវិក័យប័ត្រពន្ធរដ្ឋឬកន្ទុយប័ណ្ណផាកពិន័យឲ្យពួកគាត់នោះឡើយ។
ប្រជាពលរដ្ឋ ក៍ដូចជាអាជីវករចំណុចឃុំក្រែក ស្រុកពញាក្រែក ខេត្តត្បូងឃ្មុំ បានបញ្ជាក់ថា កន្លែងស្នាក់ការក្រុមគយចល័តតំបន់៦ បើអ្នកមិនធ្លាប់រកស៊ីទេ
គឺមើលមិនដឹងថាកន្លែងនោះជាអ្វី ព្រោះគ្មានស្លាកសញ្ញា សំគាល់នោះទេ? មានតែឡានក្រុមមន្ត្រីគយនិងជនស៊ីវិល ធម្មតាដាក់អំពូលភ្លើង២គ្រាប់ ដើម្បីបំភ្លឺនៅពេលយប់តែប៉ុណ្ណោះ។
ប្រភពបន្តថា មេគយចល័តតំបន់៦ ពង្រាយមន្ត្រីគយនិងជនសុីវិលចាំប្រដេញចាប់ស្ទាក់គាបយកលុយពីរថយន្ត ដឹកទំនិញគេចពន្ធទំនិញបង់ពន្ធមិនគ្រប់ ទំនិញខុសច្បាប់ចេញពីប្រទេសវៀតណាមចូលមកប្រទេសកម្ពុជា ហើយឃុបឃិតបើក ដៃឲ្យឈ្មួញធំៗដឹកជញ្ជូនទំនិញជាថ្នូរ នឹង ផលប្រយោជន៍ផ្ទាល់ខ្លួននិងបក្ខពួកខ្លួន គយប្រចាំនៅចំណុចឃុំក្រែក ស្រុកពញាក្រែក កំពុងសាងភាពល្បីល្បាញយ៉ាងខ្លាំងក្នុងការ ប្រព្រឹត្តរបៀបអំពើពុករលួយ ដែលជាហេតុនាំឲ្យបាត់បង់នូវចំណូលថវិការដ្ឋយ៉ាងច្រើនសន្ធឹកសន្ធាប់ក្នុង ១ ឆ្នាំៗ។
អាជីវករដ៏ដែលបានបង្ហើបឲ្យដឹងថា លោកខណ្ណារ៉ា អេលីត មេគយចល័តតំបន់៦ កំពុងសប្បាយចិត្តប្រមូលលុយពីរថយន្តដឹកទំនិញទាំងស្របច្បាប់
ទាំងមិនស្របច្បាប់គ្រប់ប្រភេទ ចេញពីរវៀតណាមរាប់សិបគ្រឿងក្នុងមួយថ្ងៃៗ ចូលហោប៉ៅមន្ត្រីគយ ចែកគ្នាធ្វើមានធ្វើបានយ៉ាងសុខស្រួលផ្ទាល់ខ្លួន
រាល់ការចាប់រថយន្តដឹកទំនិញផ្សេងៗ គយផាកពិន័យមិនបានបង់ពន្ធចូលថវិការ រដ្ឋឡើយ ពោលគឺតែងតែសម្រួលយកលុយច្រើនៗ រួចដោះលែងឲ្យរួចទៅវិញ។ ក្រុមឈ្មួញតូចធំ ក៍ដូចជាអាជីវករក្នុងស្រុក អំពាវនាវយ៉ាងទទូចដល់លោក អូន ព័ន្ធមុន្នីរ័ត្ន ឧបនាយករដ្ឋមន្ត្រីរដ្ឋមន្ត្រីក្រសួងសេដ្ឋកិច្ចនិងហិរញ្ញវត្ថុ ព្រមទាំង លោក គុណ ញឹម អគ្គនាយកនៃអគ្គនាយកដ្ឋាន គយនិងរដ្ឋាករកម្ពុជា ជាពិសេសលោក ឱម យ៉ិនទៀង ប្រធានអង្គភាពប្រឆាំងអំពើពុករលួយ គួរដាក់មន្ត្រីក្រោមឱវាទចុះស្រាវជ្រាវ ពីភាពមិនប្រក្រតីប្រព្រឹត្តរបៀបពុករលួយ របស់លោកខណ្ណារ៉ា អេ លីត មេគយចល័តដុះស្លែប្រចាំតំបន់៦ និងបក្ខពួកជាបន្ទាន់ផងទាន។
