(ខេត្តបាត់ដំបង)៖ នៅថ្ងៃអង្គារ ២កើត ខែមាឃ ឆ្នាំម្សាញ់ សប្ដស័ក ពុទ្ធសករាជ ២៥៦៩ ត្រូវនឹងព្រឹកថ្ងៃទី២០ ខែមករា ឆ្នាំ២០២៦នេះ ឯកឧត្តមអភិសន្តិបណ្ឌិត ស សុខា ឧបនាយករដ្ឋមន្ត្រី រដ្ឋមន្ត្រីក្រសួងមហាផ្ទៃ និងឯកឧត្តម កើត រិទ្ធ ឧបនាយករដ្ឋមន្ត្រី រដ្ឋមន្ត្រីក្រសួងយុត្តិធម៌ និងជាប្រធានក្រុមការងាររាជរដ្ឋាភិបាលចុះមូលដ្ឋានខេត្តបាត់ដំបង បានអញ្ជើញចុះជួបសំណេះសំណាលសួរសុខទុក្ខនិងឧបត្ថម្ភថវិកា ជូនដល់វិរៈកងទ័ព វិរៈនគរបាលជួរមុខ ដែលនិងកំពុងសម្រាកព្យាបាលនៅមន្ទីរពេទ្យភូមិភាគ៥ ខេត្តបាត់ដំបង។ ជាមួយគ្នានោះ ក៏បានឧបត្ថម្ភថវិកាជូនដល់ក្រុមគ្រូពេទ្យ នៃមន្ទីរពេទ្យភូមិភាគ៥ ចំនួន៥លានរៀលផងដែរ។
